DVB (Sitio web histórico non activo)

Suspendidas TODAS as LIGAS FGB e ZONAIS por mor da Situación Meteorolóxica

Seguindo instrucións da Consellería de CULTURA E DEPORTE da Xunta de Galicia e en vista da situación meteorolóxica da nosa Comunidade,  a Federación Galega de Baloncesto  toma a decisión de SUSPENDER A XORNADA correspondente ao fin de semana do 31 de Xaneiro e 1 de Febreiro.

Polo tanto suspéndense TODOS os encontros de carácter autonómico e zonal a disputar na nosa Comunidade Autónoma.

Así mesmo, habilítase como data de xogo desta Xornada o día 19 de Marzo do 2009.

As categorías nas que non se xogará ningunha competición son as relacionadas a continuación:

- 1ª DIVISIÓN MASCULINA.
- LIGA FGB SÉNIOR MASCULINA.
- LIGA FGB SÉNIOR FEMININA.
- LIGAS SÉNIOR ZONAIS E INTERZONAIS.
- LIGAS JÚNIOR ZONAIS, INTERZONAIS  E AUTONÓMICAS.
- LIGAS CADETES ZONAIS E AUTONÓMICAS.
- LIGAS INFANTÍS ZONAIS E AUTONÓMICAS.
- LIGAS MINIBASKET.
- LIGAS PREMINIBASKET.

A aseguradora deportiva ASISA comunica que o único Centro Concertado de Urxencias en Vigo para este ano 2009 é o Sanatorio Nosa Sra do Perpertuo Socorro, xa que o concerto coas Clínicas POVISA e Fátima non foi renovado.

Lémbrase que Asisa é a compañía aseguradora contratada pola Xunta de Galiza para as competicións das categorías Benxamín, Alevin, Infantil e Cadete.

Isto significa que en ditas clínicas POVISA e Fátima non se atenderán lesións deportivas, e se así fose ASISA non se fará cargo da factura.

De seguido pódese descargar en formato .pdf o Cadro Médico de ASISA para a provincia de Pontevedra no 2009.

Lamentamos comunicar a toda a comunidade do Baloncesto desta Delegación que o pasado día 2 de Xaneiro finaba D. Israel Álvarez García, xogador que era do Oh! Vigo Club de Baloncesto, despois do seu paso polo Bosco e Mercantil.

Esta Delegación, e mesmo a FGB, comparte a dor e mágoa co que comeza o ano 2009, e quere transmitir á súa familia, amigos e compañeiros de clubes a súa profunda e sentida condolencia e sentimento de compañía neste intres.

Alberte Zato

Vicepresidente da FGB